Agllid n tagant

Agllid n Tagant tga yat tanfust yura t mass Racid Najib Sifaw s tutlayt tamaziɣt taclḥit. Tinfusin gant timzray n zikk (s tasbanyulit : cuentos legendarios) lli mmu talsn middn i tarwas ɣ kra igatt tasga n tmazirt. Dmin ar tn ttinin middn i tarwa nns d ar sisnt sgan drrit mẓẓiyn. Yili gisnt mckk n tmitar d iwaliwn fulkin.

                                                             AGLLID N TAGANT

G yat tagant, ɣ llan kigan n imudar, izdɣ yan ilw igan idusn icqqan d yan ugḍiḍ igan igzi icwan. Yan wass inna ilw i ugḍiḍ : " Swingmɣ ɣ yat tɣarast. Wanna tt iskrn, netta rad ig agellid.". Isqsa t ugḍiḍ : 

-Manik ad tga tɣarast ann  ? 

-Wanna iswan kigan d waman nettan rad t ig. 

-Mac manza za aman ad  ?

 Ddun ar ttellin s waman aylliɣ ufan yan yill. Agḍiḍ, netta, issn is ad izzigiz ill d is a itteddu d ar d iffal idɣarn ganin ayyarn. Isawl ugḍiḍ : 

-"Smaqqel, llan ɣid kigan n waman, kyyi a rad izwur a tn tsut acku kyyin ad igan imqqurn! " 

Iddem illu tazllumt nns ar issa, agḍiḍ nettan issn mad iskr, iggawr ɣ usklu ar d ittini : 

-" Aywak ay illu...ayhayya nnk! ẓḍarɣ ad suɣ uggar n ɣanck nna! " 

Inkr ilw ar issa ar daɣ issa, macc inna as ugḍiḍ:

- "Kyyi ur ar tssat. Hann aman ar d aqqlayn ! " 

Illu ar ukan sul issa, mac iggummi ad ismd aylli ibda. Acku aman n yill ar d ukan aqqlayn. Is akkw iṛmi ur yad iẓḍar i yat. Agḍiḍ ar itteqql aylliɣ senfln waman n yill. Tizi lliɣ a tturruyn ar ffaln idɣaren ganin ayyarn. Agḍiḍ, ntta, ar iskar is ar issa, aylliɣ ddan waman, issumtn igidu. Iddu dar ilw, inna as : 

-" Tẓṛit mad swiɣ ?! " S

S tigzi nns, as iga ugḍiḍ agllid n tagant, agllid nns n kra igatt ass. 

                                                                            TIGIRA

Tamawalt:

Tagant = Selva

Agḍiḍ = aylal = pájaro

Ilw = elefante

Taɣarast = Camino, sendero p.ext. método, forma de.